379-modda · V bo'lim · Xodimlarni kasbga tayyorlash, qayta tayyorlash va ularning malakasini oshirish
Oʻquvchilarga ishlab chiqarish taʼlimi davrida stipendiya toʻlanadi, uning miqdori ishlab chiqarish taʼlim shartnomasida belgilanadi va olinayotgan malakaga bogʻliq boʻladi, lekin qonunchilikda belgilangan mehnatga haq toʻlashning eng kam miqdoridan kam boʻlmasligi kerak.
Ishlab chiqarish taʼlimi davrida oʻquvchilarga stipendiya toʻlash qonunchilik bilan tartibga solinadigan va ishlab chiqarish taʼlim shartnomasida belgilanadi hamda kasbni oʻzlashtirishda bajarilgan ish uchun munosib haq toʻlash va keyingi kasbiy rivojlanishni ragʻbatlantirishdan iborat.
Stipendiyaning miqdori qonunchilik bilan belgilangan mehnatga haq toʻlashning eng kam miqdoridan kam boʻlmasligi kerak.
Oʻquvchilarni ishlab chiqarish taʼlimiga qabul qiladigan tashkilotlar ular bilan ish haqi shartlari, ish vaqti va tomonlarning majburiyatlari aniq koʻrsatilgan shartnomalarni tuzishlari shart. Shartnomada kelajakda kelishmovchiliklarga yoʻl qoʻymaslik uchun stipendiyaning aniq miqdori yoki uni hisoblash tartibi ham koʻrsatilishi lozim.
Ishlab chiqarish taʼlimi davrida oʻquvchilar uchun har xil toʻlov turlari mavjud. Masalan:
mehnatga haq toʻlashning ishbay shaklida – haqiqatda bajarilgan ish uchun;
mehnatga haq toʻlashning vaqtbay shaklida – ishlangan vaqtga mutanosib tarzda amalga oshiriladi.
Agar ishlab chiqarish taʼlimi ishdan ajralmagan holda amalga oshirilsa, ish beruvchi stipendiyadan tashqari, xodimga ishlagan vaqtiga mutanosib ravishda ish haqi toʻlaydi.
O'zbekiston Respublikasi Kambag'allikni qisqartirish va bandlik vazirligi