Xodimning dastlabki (ishga qabul qilish chogʻida mehnat shartnomasini tuzayotganda) va davriy (mehnat faoliyati davomida) majburiy tibbiy koʻrikdan oʻtkaziladigan xodimlar toifasi va ayrim shartlari haqida MK 360-moddasida koʻrsatilgan (ushbu modda sharhiga qarang).

Sharhlanayotgan moddada majburiy tibbiy koʻrikdan oʻtishi bilan bogʻliq xarajatlarni kompensatsiya qilish ish beruvchining hisobidan amalga oshirilishi belgilangan.

Bu xarajatlarga tibbiy koʻrik davomida tibbiyot muassasalardagi pullik tekshiruvlar, tahlillar boʻlishi mumkin.

Bu majburiy tibbiy koʻrikni tashkil etishga bogʻliq, agar ish beruvchi tomonidan tibbiyot muassasalari bilan shartnoma asosida tashkil qilgan va barcha xarajatlar toʻlab berilgan boʻlsa, unda xodim tomonidan xarajatlar boʻlmaydi.

Agar ish beruvchi tomonidan tibbiyot muassasalari bilan shartnoma asosida tashkil qilgan, lekin xarajatlar toʻlab berilmagan boʻlsa, unda ish beruvchi xodimga xarajatlar qoplab berilishi kerak.