1. Oʻn sakkiz yoshga toʻlmagan shaxslarni ishga qabul qilish chogʻida dastlabki majburiy tibbiy koʻrikdan oʻtkazish hamda ular ishlab turgan davrda har yili davriy majburiy tibbiy koʻrikdan oʻtkazish nafaqat MK qoidalariga asosan, balki Oʻzbekiston Respublikasining “Aholining sanitariya-epidemiologik osoyishtaligi toʻgʻrisida”gi, “Mehnatni muhofaza qilish toʻgʻrisida”gi va “Fuqarolar sogʻligʻini saqlash toʻgʻrisida”gi Qonunlariga hamda Oʻzbekiston Respublikasi Sogʻliqni saqlash vazirining buyrugʻi bilan tasdiqlangan “Xodimlarni tibbiy koʻrikdan oʻtkazish tartibi toʻgʻrisida”gi (Oʻzbekiston Respublikasi Adliya vazirligi tomonidan 2012 yil 29 avgustda 2387-son bilan davlat roʻyxatidan oʻtkazilgan) Nizomga muvofiq amalga oshiriladi.

Voyaga yetmagan shaxslarni ishga qabul qilishda ularni salomatlik holatiga koʻra mehnatga yaroqli yoki yaroqsizligini aniqlash maqsadida, ular mehnat vazifasidan (yaʼni, shtat jadvaliga muvofiq lavozimdagi ish, kasb, mutaxassislik va malakasi koʻrsatilgan holdagi ish, yoki xodimga yuklatilgan muayyan turdagi ish) qatʼi nazar, majburiy tibbiy koʻrikdan oʻtadilar.

Voyaga yetmagan shaxslarning sogʻlik holatini nazorat qilish va mehnat faoliyatini davom ettirishga toʻsqinlik qiluvchi kasalliklarni oʻz vaqtida aniqlash maqsadida esa, ular 18 yoshga toʻlgunlariga qadar har yili tibbiy koʻrikdan oʻtkaziladilar.

MKning 360-moddasiga asosan, ish beruvchi tomonidan dastlabki va davriy tarzda tibbiy koʻrikdan oʻtkazilishi shart boʻlgan xodimlar toifasi nazarda tutilgan boʻlib, ularning ichida oʻn sakkiz yoshga toʻlmagan shaxslar ham mavjud.

Oʻn sakkiz yoshga toʻlmaganlar uchun tibbiy koʻriklarni tashkil etish majburiyati ish beruvchi zimmasiga yuklatilgan. Tibbiy koʻriklar ish beruvchining mablagʻlari hisobidan amalga oshiriladi (MKning 292-moddasi sharhiga qarang). Yaʼni, bu xarajatlar xodim tomonidan emas, ish beruvchi tomonidan qoplanadi. Xodim tibbiy koʻrikdan oʻtayotgan vaqtida, u oʻz ish joyida boʻlmasa ham, unga oʻrtacha ish haqi saqlanadi (MKning 280-moddasi sharhiga qarang).

Majburiy tibbiy koʻrik odatda, yuqumli va parazitar kasalliklar tarqalishining oldini olish, kasbiy kasalliklar, zaharlanish va baxtsiz hodisalarning oldini olish maqsadida oʻtkaziladi.

MKning 175-moddasiga asosan, majburiy tibbiy koʻrik natijalari xodimning shaxsiy maʼlumotlari sirasiga kiradi, ularni tarqatishga yoʻl qoʻyilmaydi.

Dastlabki tibbiy koʻrikdan oʻtmagan voyaga yetmagan shaxs bilan mehnat shartnomasini tuzish, agar bunday koʻrik majburiy boʻlsa, mehnat qonunchiligini buzish hisoblanadi. Buning uchun Oʻzbekiston Respublikasining Maʼmuriy javobgarlik toʻgʻrisidagi kodeksining 49-moddasiga asosan, aybdor mansabdor shaxsga nisbatan maʼmuriy jazo qoʻllanilishini mumkin. Shu bilan birga, majburiy tibbiy koʻrikdan oʻtkazilmasdan ishga qabul qilingan shaxs bilan tuzilgan mehnat shartnomasi MKning 168-moddasi 1-qismi 4-bandi bilan ishga qabul qilishga doir belgilangan qoidalarning buzilganligi sababli bekor qilinishi mumkin. Agar yoʻl qoʻyilgan qoidabuzarlikni bartaraf etish imkoni boʻlsa mehnat shartnomasi bekor qilinmaydi. Yaʼni ish beruvchi ushbu xodimini tibbiy koʻrikdan oʻtkazsa va ushbu koʻrik natijalari ishini davom ettirishga toʻsqinlik qilmasa, xodim ishini davom ettiraveradi.

Dastlabki tarzda tibbiy koʻrikdan oʻtishi shart boʻlgan xodimlar tashkilot tomonidan tibbiy koʻrikni oʻtkazuvchi davolash-profilaktika muassasasiga “Xodimlarni tibbiy koʻrikdan oʻtkazish tartibi toʻgʻrisida”gi nizomga asosan tasdiqlangan shaklga muvofiq taqdim etilgan yoʻllanma asosida tibbiy koʻrikdan oʻtkaziladi.

HUJJATLARDAN NAMUNALAR

Dastlabki tibbiy koʻrikdan oʻtish uchun

YOʻLLANMA

Tashkilot shtampi — Ambulator bemorning tibbiy kartasiga (025 x.sh.) qoʻshimcha blank

Dastlabki tarzda oʻtkaziladigan tibbiy koʻrikka yoʻllanma — Dastlabki tarzda oʻtkaziladigan tibbiy koʻrik natijalari

Familiyasi -------------------------------------- — Familiyasi --------------------------

Ismi ----------------------------------------------- — Ismi ----------------------------------

Otasining ismi -------------------------------- — Otasining ismi -------------------

Tugʻilgan yili ---------------------------------- — Tugʻilgan yili ----------------------

Ish joyining xavfli va zararli omillari -------------------------------------

Tibbiy komissiyaning xulosasi

-----------------------------------------------------

1-ilova ------------------------------------------- — mutaxassisligi boʻyicha

2-ilova ------------------------------------------- — -------------------------------------------

Imzo ---------------------------------------------- — -------------------------------------------

Tibbiy komissiyaning xulosasi — Ish sharoitining noqulay omillari taʼsirida

_______________________________

------------------------------------------------------- — ___________________________Moneliklar yoʻq

mutaxassisligi boʻyicha — Tashkilot vrachlik punktining vrachi (vrach terapevti)---------------------------

Ish sharoitining noqulay omillari taʼsirida

_______________________________ — ___________________________

___________________________

Moneliklar yoʻq

Davolash-profilaktika muassasasi bosh vrachi ------------------------------------------------------------------------------------------------

Tashkilot vrachlik punktining vrachi (vrach terapevti)-------------------------------------------------------------------------------------

«----------» -------------------------------- 20 yil

____________________________

2. Sharhlanayotgan moddaning ikkinchi qismiga muvofiq, oʻn sakkiz yoshga toʻlmaganlar uchun tibbiy koʻriklarni tashkil etish majburiyati ish beruvchi zimmasiga yuklatilganligi uchun bunday tibbiy koʻriklar ish beruvchining mablagʻlari hisobidan amalga oshiriladi (MKning 292-moddasi sharhiga qarang). Yaʼni, bu xarajatlar xodim tomonidan emas, ish beruvchi tomonidan qoplanadi. Xodim tibbiy koʻrikdan oʻtayotgan vaqtida, u oʻz ish joyida boʻlmasa ham, unga oʻrtacha ish haqi saqlanadi (MKning 280-moddasi sharhiga qarang).