1. Mavsumiy ishlarni bajaruvchi mavsumiy xodimlarga mehnat taʼtillarini berishni ham oʻziga xos xususiyatlari mavjud.

Mavsumiy xodimlarga ishning har bir oyi uchun kamida ikki kalendar kun hisobidan haq toʻlanadigan mehnat taʼtili olish huquqiga ega boʻlib, bir oy ishlagan xodim ish beruvchiga mehnat taʼtilini berishni soʻrab murojaat etishi mumkin, ushbu holatda ish beruvchi mavsumiy xodimga kamida ikki kalendar kun undan koʻp muddatga (mehnat shartnomasida koʻrsatilgan davomiylikda) mehnat taʼtili berishi kerak.

Mehnat taʼtili uchun haq toʻlash umumiy tartibda va miqdorda oʻrtacha ish haqidan kelib chiqib amalga oshiriladi.

2. Mavsumiy xodim toʻliq mavsum davomida ishlagan boʻlsa, unga keyinchalik, yaʼni mavsum tugashi bilan mehnat shartnomasini bekor qilgan holda haq toʻlanadigan mehnat taʼtili beriladi.

Mazkur holatda taʼtilning oxirgi kuni mehnat shartnomasi bekor qilingan kun deb hisoblanadi. Mehnat shartnomasi bekor qilinganda haq toʻlanadigan mehnat taʼtili oʻrniga mavsumiy xodimga uning xohishiga koʻra pulli kompensatsiya toʻlanadi.

3. Mavsumiy xodim bilan tuzilgan mehnat shartnomasi mavsum tugagunga qadar muddatidan oldin bekor qilinishi mumkin. Bunda, mehnat shartnomasini bekor qilish chogʻida unga foydalanilmagan mehnat taʼtili uchun ishlab berilgan vaqtga mutanosib ravishda kompensatsiya toʻlanadi.

Foydalanmagan mehnat taʼtili uchun ishlab berilgan vaqtga mutanosib ravishda kompensatsiyani hisoblash umumiy tartibda, oʻrtacha ish haqidan kelib chiqib amalga oshiriladi.