498-modda · VI bo'lim · Ayrim toifadagi xodimlar mehnatini huquqiy jihatdan tartibga solishning oʻziga xos xususiyatlari
Vaqtinchalik xodimlar ishning har bir oyi uchun kamida ikki kalendar kun hisobidan haq toʻlanadigan mehnat taʼtili olish huquqiga ega.
Vaqtinchalik xodimlarga mehnat taʼtillari beriladi yoki mehnat shartnomasi bekor qilinganda ularning xohishiga koʻra ishning har bir oyi uchun ikki ish kuni hisobidan kompensatsiya toʻlanadi.
1. Vaqtinchalik xodimlarga haq toʻlanadigan mehnat taʼtili ishning har bir oyi uchun kamida ikki kalendar kun hisobidan beriladi, agar ishining muddati bir oyga yetmasa, ishlagan ish kunlariga mutanosib ravishda beriladi.
Vaqtinchalik xodimlarga haq toʻlanadigan mehnat taʼtili xodimning arizasiga koʻra beriladi.
Qoʻshimcha taʼtillar berish ish beruvchi tomonidan mehnat toʻgʻrisidagi boshqa huquqiy hujjatlar yoki vaqtinchalik xodim bilan tuzilgan mehnat shartnomaga asosan berilishi mumkin.
2. Agar vaqtinchalik xodim mehnat taʼtilini soʻrab murojaat qilmasa, ish beruvchi unga mehnat shartnomasi bekor qilinganda ishning har bir oyi uchun ikki ish kuni hisobidan pullik kompensatsiya toʻlaydi.
Ishning har bir oyi uchun ikki ish kuni hisobidan deganda vaqtinchalik xodimning ishlagan davri uchun kalendar kun boʻyicha emas ish kuni hisobidan pullik kompensatsiya toʻlash tushuniladi. Chunki kalendar kun boʻlsa, ushbu kunlardagi yakshanba kuniga kompensatsiya toʻlanmas edi. Shuning uchun ish kuni boʻlganligi sababli ikki kunga ham kompensatsiya toʻlanadi.
Pullik kompensatsiyaning miqdori xodimning oʻrtacha ish haqidan kelib chiqib hisoblanadi.
O'zbekiston Respublikasi Kambag'allikni qisqartirish va bandlik vazirligi