1. Uy ishchilarini ham pensiya taʼminotiga ega boʻlish uchun mehnat stajiga ega boʻlish imkoniyati mavjud. Buning uchun faqat ular ijtimoiy soliq toʻlashi kerak boʻladi.

Oʻzbekiston Respublikasining “Fuqarolarning davlat pensiya taʼminoti toʻgʻrisida”gi Qonuni 37-moddasiga koʻra, 2019 yil 1 yanvardan keyingi davr uchun — xodim tomonidan bajarilgan har qanday ish, basharti mehnatga haq toʻlash tarzidagi daromadlar hisoblangan boʻlsa, ijtimoiy soliq toʻlagan davr ish stajiga qoʻshib hisoblanadi.

2. Oʻzbekiston Respublikasi Soliq kodeksining 409-moddasiga koʻra qonunchilikka muvofiq soliqni hisoblab chiqarish va ushlab qolish majburiyati zimmasiga yuklatilmagan ish beruvchidan daromadlar oluvchi jismoniy shaxslar soliqni jami yillik daromad toʻgʻrisidagi deklaratsiyada koʻrsatilgan mehnatga haq toʻlash tarzidagi daromadlar summasidan kelib chiqqan holda, soliqni ixtiyoriy ravishda toʻlash haqida jami yillik daromad toʻgʻrisidagi deklaratsiyani taqdim etish bilan bir vaqtda beriladigan ariza asosida ixtiyoriy asosda toʻlaydi.

Ushbu moddaning birinchi qismida koʻrsatilgan shaxslar tomonidan soliqni toʻlash jami yillik daromad toʻgʻrisidagi deklaratsiya maʼlumotlari boʻyicha soliq organlari tomonidan hisoblab chiqariladigan jismoniy shaxslardan olinadigan daromad soligʻini toʻlash muddatlarida amalga oshiriladi.

Oʻzbekiston Respublikasi Vazirlar Mahkamasining 2022 yil 13 oktyabrdagi 592-son qarori bilan tasdiqlangan Davlat pensiyalarini tayinlash va toʻlash tartibi toʻgʻrisidagi nizomning 15-bandiga koʻra pensiya tayinlashni soʻrab murojaat qilgan shaxs tomonidan pensiya tayinlash uchun zarur boʻlgan hujjatlar taqdim etilmagan taqdirda, Pensiya jamgʻarmasi boʻlimi ushbu hujjatlarni tegishli tashkilotlardan talab qilish yuzasidan yordam koʻrsatadi.

Bunda Pensiya jamgʻarmasi boʻlimi ushbu Nizomda belgilangan qoidalarga muvofiq shaxsga pensiya tayinlash (hisoblash) uchun quyidagi:

a) pensiya tayinlanayotgan shaxsning (qonuniy vakil) fuqarolik pasporti (identifikatsiya ID-kartasi) toʻgʻrisidagi;

b) band shaxs uchun Oʻzbekiston Respublikasi Vazirlar Mahkamasi huzuridagi Soliq organlari tomonidan taqdim etiladigan:

2020 yil 1 yanvardan keyingi davr uchun — ijtimoiy soliq toʻlanganligi toʻgʻrisidagi maʼlumotlarni mustaqil ravishda markazlashtirilgan elektron reyestri bazasidan elektron soʻrov yuborish orqali oladi.

Demak, uy ishchisining mehnat stajini hisobga olish qonun hujjatlariga muvofiq ijtimoiy soliq toʻlanganligi toʻgʻrisidagi maʼlumotlar asosida amalga oshiriladi.