1. Xodimning moddiy javobgarligi (MKning 340-moddasi) bilan xodimning toʻliq moddiy javobgarligi oʻrtasiga farq qoplanadigan zararni miqdori va tartibi (shartlari) hisoblanadi.

Xodimning moddiy javobgarligida zarar xodimning oʻrtacha oylik ish haqi miqdorida qoplansa, xodimning toʻliq moddiy javobgarligida xodimning ish beruvchiga bevosita yetkazilgan haqiqiy zararning oʻrnini toʻliq miqdorda qoplanadi.

2. Xodimning toʻliq moddiy javobgarligi avtomatik emas — u faqat MK yoki boshqa qonunlarda aniq belgilangan hollardagina yuklatilishi mumkin.

Shu sababli ish beruvchi toʻliq moddiy javobgarlikni talab qilishdan oldin xodimning aybi va qonuniy asoslarini dalillar bilan isbotlashi shart.

Yetkazilgan zarar uchun toʻliq miqdordagi moddiy javobgarlik qonunosti hujjatlar va korxona ichki hujjatlari bilan xodimning zimmasiga yuklatilmaydi.

3. 18 yoshga toʻlmagan xodimlar (yoshlar, talabalar, stajyorlar) uchun umumiy qoida boʻyicha toʻliq moddiy javobgarlik yuklanmaydi. Ular odatda faqat oʻrtacha oylik ish haqi miqdorida moddiy javobgar boʻladilar (340-moddaga muvofiq). Ammo ayrim holatlarda toʻliq moddiy javobgarlik yuzaga keladi.

18 yoshgacha boʻlgan xodimlar toʻliq moddiy javobgar boʻladigan holatlar:

qasddan zarar yetkazilganda;

alkogolli ichimlikdan, giyohvandlik yoki toksik modda taʼsiridan mast holatda zarar keltirilsa;

jinoyat sodir etish natijasida zarar keltirilsa;

maʼmuriy huquqbuzarlik sababli zarar yetkazilsa.

Modda qisqa sharhlangan.