455-modda · VI bo'lim · Ayrim toifadagi xodimlar mehnatini huquqiy jihatdan tartibga solishning oʻziga xos xususiyatlari
Masofadan turib ishlashning aralash rejimi statsionar ish joyida ishlashni va masofadan turib ishlashni oʻz ichiga oladi. Statsionar ish joyida va masofadan turib ishlash muddatlari hamda ularning navbat bilan almashinishi mehnat shartnomasi taraflarining kelishuviga binoan aniqlanadi.
Xodim va ish beruvchi oʻrtasidagi kelishuvga koʻra xodim uchun doimiy yoki vaqtincha masofadan turib ishlashning aralash rejimi belgilanishi mumkin.
gibrid ish" (hybrid work) atamasiga mos keladi.
Aralash rejim deganda xodimning ish vaqtini ikki qismga boʻlib, bir qismini statsionar ish joyida, ikkinchi qismini esa masofadan turib bajarishidir.
Aralash rejimga oʻtish va uning shartlari ish beruvchi va xodim oʻrtasidagi oʻzaro kelishuvga binoan aniqlanadi. Ish beruvchi xodimni majburiy ravishda bu rejimga oʻtkaza olmaydi.
Statsionar ish joyida ishlash va masofadan turib ishlashning muddatlari hamda ularning navbat bilan almashinishi aniq koʻrsatib oʻtilishi shart. Bu shartlar mehnat shartnomasiga kiritiladi yoki qoʻshimcha kelishuv bilan rasmiylashtiriladi.
MISOL
Ish beruvchi oʻz xodimlari uchun aralash ish rejimini joriy qildi. Kelishuvga koʻra, xodim haftada 3 kun (dushanba, seshanba, chorshanba) tashkilotda ishlaydi, qolgan 2 kunni (payshanba, juma) esa uydan turib hisobotlarni tayyorlaydi yoki onlayn xizmatlarni bajaradi.
2. Aralash rejim ham doimiy asosda, ham vaqtinchalik asosda joriy etilishi mumkin.
Aralash masofadan turib ishlash rejimi xodimlar uchun qulaylik yaratibgina qolmay, ish beruvchilarga ham faoliyatni samarali tashkil etish imkonini beradi. Bunda eng muhimi — ikki tomonlama kelishuvga asoslanish va tashkilotdagi hamda masofadagi ish muddatlarini aniq belgilab olishdir.
O'zbekiston Respublikasi Kambag'allikni qisqartirish va bandlik vazirligi