1. Boshqa ish beruvchiga (asosiy ish joyidan tashqari) oʻrindoshlik asosida ishga kirayotgan shaxslar quyidagilarni taqdim etishi shart:

pasportni yoxud uning oʻrnini bosuvchi hujjatni yoki identifikatsiya ID-kartasini;

asosiy ish joyidan Oʻzbekiston Respublikasi Kambagʻallikni qisqartirish va bandlik vazirligi tomonidan tasdiqlanadigan shakl boʻyicha maʼlumotnomani;

Eslatma. Ish joyidan maʼlumotnoma jismoniy shaxs haqiqatan ham muayyan tashkilotning xodimi ekanligi, muayyan lavozimni egallaganligi tasdigʻidir. Ushbu maʼlumotnoma talab qilingan joydagi amaldagi va sobiq xodimlarga taqdim etilishi mumkin.

Ish beruvchi xodimning ish joyini tasdiqlovchi maʼlumotnoma berishni rad etishga haqli emas, chunki xodim oʻz mehnat faoliyati haqida har qanday maʼlumot olishga haqli. Bundan tashqari, ish joyidan maʼlumotnoma berish muddati belgilangan – xodim maʼlumotnoma berishni iltimos qilib ariza bilan murojaat qilgan kundan boshlab uch kungacha.

Ish joyini tasdiqlovchi maʼlumotnoma namunasi Oʻzbekiston Respublikasi mehnat va aholini ijtimoiy muhofaza qilish vazirining (29.01.2013 yilda roʻyxatdan oʻtgan, roʻyxat raqami 2417) “Oʻrindoshlik asosida boshqa tashkilotga ishga kirish uchun asosiy ish joyidan beriladigan maʼlumotnoma hamda oʻrindoshlik asosidagi ish joyidan beriladigan maʼlumotnoma shakllarini tasdiqlash haqida”gi buyrugʻida keltirilgan.

bajarilishi uchun qonunchilikka muvofiq faqat muayyan ish stajiga ega boʻlgan shaxslar qoʻyilishi mumkin boʻlgan ishga oʻrindoshlik asosida qabul qilishda asosiy ish joyidagi mehnat daftarchasining tasdiqlangan koʻchirma nusxasini yoki elektron mehnat daftarchasidan koʻchirmani.

Eslatma. Ish beruvchi (ish beruvchilar - jismoniy shaxslar bundan mustasno) tashkilotda 5 kundan ortiq ishlagan barcha xodimlar uchun mehnat daftarchalarini yuritishi shart. Elektron mehnat daftarchasi qogʻozga parallel ravishda yuritiladi.

diplomni, guvohnomani (sertifikatni) yoki taʼlim toʻgʻrisidagi yoki kasbiy tayyorgarlik haqidagi boshqa hujjatni, agar bunday ish maxsus bilimlarni yoxud maxsus tayyorgarlikni talab qilsa;

mehnat sharoitlari zararli va (yoki) xavfli boʻlgan ishga qabul qilish chogʻida asosiy ish joyidan mehnatning xususiyati va shartlari toʻgʻrisidagi olingan maʼlumotnomani:

sogʻliqni saqlash sohasidagi faoliyatni amalga oshirish;

veterinariya faoliyatini amalga oshirish;

favqulodda vaziyatlarda xavfsizlikni taʼminlash boʻyicha tadbirlarni amalga oshirish;

xavfsiz sharoitlar va mehnatni muhofaza qilish boʻyicha ishlarni bajarish;

davlat hisobi operatsiyalarini amalga oshirish;

geodeziya va kartografiya faoliyatini amalga oshirish va boshqalar.

Mazkur hujjatni olish tartibi Oʻzbekiston Respublikasining “Fuqarolarning jamgʻarib boriladigan pensiya taʼminoti toʻgʻrisida”gi qonunida belgilangan.

Yuqorida koʻrsatilgan hujjatlar asosan tashqi oʻrindoshlik asosida ishga joylashayotgan xodimlarga tatbiq etiladi.

2. Ichki oʻrindoshlik shartlari asosida ishga qabul qilish chogʻida ish beruvchi xodimdan biror-bir hujjatni taqdim etishni talab qilishga haqli emas, agar mazkur ish maxsus bilim yoxud maxsus tayyorgarlikni talab qilsa va ilgari bu hujjatlar xodim tomonidan taqdim etilmagan boʻlsa, bundan diplomni, guvohnomani (sertifikatni) yoki taʼlim toʻgʻrisidagi yoxud kasbiy tayyorgarlik haqidagi boshqa hujjatni talab qilish mustasno.

3. Oʻrindoshlik asosida ishga qabul qilish chogʻida ushbu Kodeksda, boshqa qonunchilik hujjatlarida nazarda tutilmagan hujjatlarni talab qilish taqiqlanadi.

Oʻzbekiston Respublikasi Prezidentining Farmoni, 23.03.2021 yildagi “Aholi va tadbirkorlik subʼyektlariga davlat xizmatlaridan foydalanishda yanada qulay sharoitlar yaratish, bu borada byurokratik toʻsiqlarni qisqartirish boʻyicha qoʻshimcha chora-tadbirlar toʻgʻrisida” PF–6191-sonli Farmoniga muvofiq davlat organlari va tashkilotlari jismoniy shaxslarga davlat xizmatlarini koʻrsatishda, ishga qabul qilish jarayonida va boshqa maʼmuriy tartib-taomillarni amalga oshirishda mazkur hujjatning 4-bandida nazarda tutilgan hujjat va maʼlumotlarni ushbu Farmonga 1-ilovada belgilangan masʼul davlat organlari va tashkilotlaridan mustaqil ravishda, shu jumladan “Elektron hukumat” tizimi idoralararo integratsiyalashuv platformasi orqali soʻrab oladi.