Ushbu moddaga binoan, har yilgi asosiy mehnat taʼtilining davomiyligi hech bir holatda va hech bir sababga koʻra, xodim toʻliq yoki toʻliqsiz ish kunida ishlashi, oʻrindoshlik asosida ishlaydimi, kasanachimi bundan qatʼiy nazar yigirma bir kalendar kunidan kam boʻlishi mumkin emas.

Bu qoida mehnat taʼtili berilayotganda amal qilish kerak boʻlgan qoidadir. Zero, agar xodim shu ish yilida oʻn ikki oydan kam ishlagan va mehnat shartnomasi bekor qilinayotgan boʻlsa, unga foydalanilmagan mehnat taʼtili uchun pulli kompensatsiyani hisoblab chiqarishda taʼtil kunlar haqiqatda ishlagan davrga mutanosib hisoblab chiqariladi.

Ushbu sharhlangan moddadan koʻrinadiki milliy qonunchiligimiz xalqaro standartda belgilangandan koʻproq davomiylikdagi mehnat taʼtilini kafolatlar ekan.

XALQARO STANDARTLAR

Oʻzbekiston Respublikasi tomonidan ratifikatsiya qilingan XMTning Haq toʻlanadigan yillik taʼtillar toʻgʻrisidagi 132-sonli Konventsiyasining 2-moddasi 1-bandiga koʻra, haq toʻlanadigan har yillik mehnat taʼtili xodim ushbu ish beruvchida uzliksiz oʻn ikki oy ishlaganda olti ish kunidan kami boʻlmagan davomiylikda taʼtil olish huquqiga ega boʻladi.