1. Mehnat shartnomasi muddatiga qaramay (nomuayyan yoki muddatli boʻlishidan qatʼi nazar), u istalgan vaqtda taraflarning oʻzaro kelishuviga koʻra bekor qilinishi mumkin. Bu esa mehnat munosabatlarining ixtiyoriyligini taʼminlaydi.

Xodim ham ish beruvchi ham kelishuv tashabbuskori boʻlishi mumkin. Shuningdek, bekor qilish sanasi ham tomonlar kelishuviga koʻra erkin belgilanadi.

2. Mazkur holatda yozma shaklda “taraflarning kelishuviga koʻra bekor qilish toʻgʻrisida kelishuv” tuziladi. Unda bekor qilish sanasi, hisob-kitob shartlari, zarurat boʻlsa kompensatsiya yoki qoʻshimcha toʻlovlar koʻrsatiladi.

Ish beruvchi mazkur kelishuv asosida buyruq rasmiylashtiradi va mehnat daftarchasiga tegishli yozuv kiritiladi.

Xususan, Oʻzbekiston Respublikasi Oliy sudi Plenumining 2023 yil 20 noyabrdagi 26-sonli “Sudlar tomonidan mehnat shartnomasini bekor qilishni tartibga soluvchi qonunchilikni qoʻllash amaliyoti toʻgʻrisida”gi qarorining 14-bandiga koʻra, taraflarning kelishuviga koʻra mehnat shartnomalarining barcha turlarini va ularni har qanday vaqtda bekor qilinishi mumkinligini eʼtiborga olishlari kerak.

Taraflarning kelishuvi mehnat shartnomasiga doir qoʻshimcha kelishuv bilan yozma shaklda rasmiylashtiriladi, unda mehnat shartnomasi bekor qilinadigan sana, qoʻshimcha kelishuv tuzilgan sana va taraflarning MK 107-moddasida belgilangan rekvizitlari koʻrsatilishi shart.

Mehnat shartnomasini ushbu asosga koʻra bekor qilish yuzasidan nizo chiqqan taqdirda, sudlar mazkur tartibga va qoʻshimcha kelishuv shartlariga rioya qilingan-qilinmaganligini tekshirishlari lozim.

HUJJATLARDAN NAMUNA

Mehnat shartnomasini bekor qilish haqidagi

KELISHUV

______- son "__" ___________ 202__ -yil.

_______________________________ (tashkilot nomi)dan (vazir, direktor, rais, boshqara boshlig'i, bosh shifokor va h.k.) _______________________ (rahbarning F.I.Sh), keyingi o'rinlarda Ish beruvchi deb yuritiladi, bir tomondan hamda fuqaro _______________________(xodimning F.I.Sh), keyingi o'rinlarda Xodim deb yuritiladi, ikkinchi tomondan mazkur kelishuv bitimini quyidagilar to'g'risida tuzdilar:

1. Ushbu kelishuvni tuzishdan maqsad taraflar o'rtasida tuzilgan 202__-yil __-sanasidagi ____-sonli mehnat shartnomasini O'zbekiston Respublikasi Mehnat kodeksining 157-moddasiga asosan, taraflarning o'zaro kelishuvi bilan bekor qilishdan iboratdir.

2. Xodim _____________ (xodim lavozimi va F.I.Sh) bilan tuzilgan (nomuayyan muddatli, muayyan muddatli, ichki o'rindoshlik, tashqi o'rindoshlik va h.k.) mehnat shartnomasi taraflarning kelishuvi va ularning xohish-istaklari bilan 202_ -yil __-sanasidan bekor qilinadi.

3. Mazkur kelishuv taraflar o'rtasida tuzilgan mehnat shartnomasining ajralmas qismi bo'lib qoladi.

4. Taraflarning imzolari:

Xodim:

(Ism, familiyasi,otasining ismi)

Pasport ma'lumotlari (pasport seriya, raqami):

JShShIR:

Yashash manzili:

Elektron pochta manzili (bor bo'lsa):

Telefon raqami:

(Sana)

(Imzo)

Ish beruvchi:

______________ (tashkilot nomi)

rahbari (Ism, familiyasi, otasining ismi)

Joylashgan manzili:

Elektron pochta manzili:

INN:

Telefon raqami:

(Sana)

(Imzo)